ឯកសារ ធ្វើដំណើរ

ដើម្បីអាចសម្រាលកូននៅតាមគ្លីនីកឬមន្ទីរពេទ្យនៅសិង្ហបុរីបាន អាជ្ញាធរ ICA របស់សិង្ហបុរី តម្រូវឲ្យអ្នកស្នើសុំការអនុញ្ញាតជាមុនសិន និងស្នើសុំបណ្ណស្នាក់នៅរយៈពេលវែង ដោយអ្នកត្រូវបញ្ជូនឯកសារមួយចំនួនទៅ ICA ក្នុងនោះក៏តម្រូវឲ្យមានលិខិតចេញដោយស្ថានទូតកម្ពុជានៅសិង្ហបុរីផងដែរ។

សម្រាប់ព័ត៌មានលម្អិតអំពីការស្នើសុំបណ្ណស្នាក់នៅរយៈពេលវែងនេះ សូមចូលទៅកាន់គេហទំព័រ៖ https://www.ica.gov.sg/reside/LTVP/apply/visitor-seeking-permission-to-give-birth-in-singapore

ការស្នើសុំលិខិតពីស្ថានទូត

អ្នកអាចទាញយកឯកសារក្នុង តំណភា្ជប់ (Link) នេះ មកបំពេញតាមកុំព្យូទ័រ ឬព្រីនចេញបំពេញដោយដៃ រួចផ្ញើជាមួយឯកសារយោង ទៅកាន់អ៊ីមែល៖ camemb.sgp@gmail.com ។

សម្គាល់៖
- សូមត្រៀមបញ្ជូនឯកសារយោងដើម្បីស្នើសុំលិខិតពីស្ថានទូត៖

ក- អត្តសញ្ញាណបណ្ណរបស់សាមីខ្លួន និងស្វាមី
ខ- លិខិតឆ្លងដែនរបស់សាមីខ្លួន និងស្វាមី
គ- សំបុត្រអាពាហ៍ពិពាហ៍ច្បាប់ដើម ឬសេចក្តីចម្លងសំបុត្រអាពាហ៍ពិពាហ៍។

* រយៈពេលដំណើរការឯកសារស្នើសុំ៖ ៥ថ្ងៃនៃថ្ងៃធ្វើការ។ លិខិតនេះ អាចត្រូវបានផ្ញើទៅសាមីខ្លួនតាមរយៈអ៊ីម៉ែល ឬសាមីខ្លួន/ស្វាមីអាចទទួលយកច្បាប់ដើមដោយផ្ទាល់នៅស្ថានទូត នៅរៀងរាល់ម៉ោងធ្វើការ ។

* សម្រាប់ព័ត៌មានបន្ថែម សូមទាក់ទង៖ camemb.sgp@gmail.com ឬទូរសព្ទ៖ (+65) 6341 9785 និង (+855) 1147 8888 (Telegram) ។